Wahe Guru (ਵਾਹਿਗुरु)

As ek meer kon ruik,
sou my trane onophoudelik en vrylik vloei.

As ek meer kon voel,
sou ek soos warm kool in die donker gloei.

As ek meer kon hoor,
sou my vreugde dans, my bo die aarde laat sweef.

As ek meer kon proe,
sou smake soos nektar aan my tong bly kleef.

As ek meer kon sien,
sou my hart oop bars soos 'n ryp granaat.

"Genoeg", roep ek, "Genoeg. Ek is gevul in oormaat!"

Sabh Gobind hai, sabh Gobind hai, Gobind bin nahin koi.
All is the Divine; all is the Divine; there is nothing apart from the Divine.